پولیس کے مطابق مسافر طیارہ شمالی نیپال کے سیاحتی علاقے میں واقع جوم سوم ائیر پورٹ پر لینڈ نگ کے دوران حادثے کا شکار ہوگیا جس کے نتیجے میں چار بھارتی شہریوں سمیت چودہ افراد ہلاک ہوگئے۔حکام کے مطابق طیارے میں پائلٹ سمیت کل انیس مسافر سوار تھے جن میں سے پانچ شدید زخمی بھی ہوگئے۔مقامی میڈیا کا کہنا ہے کہ حادثے کا شکار ہونے والا طیارہ لوکل کمپنی ایگری ائیر لائن کا تھاجوگرنے کے بعد کئی حصوں میں تقسیم ہو گیا تاہم آگ لگنے سے محفوظ رہا۔