نیو یارک (نما ئندہ خصوصی) امریکی ریاست فلاڈیلفیا میں واشنگٹں سے نیو یارک جانے والی ایک مسافر ٹرین کو پیش آنے والے حادثے میں 7 افراد ہلاک اور 200 زخمی ہوگئے ہیں۔ حکام کے مطا بق نیویارک اور واشنگٹن کے درمیان سفر کرنے والی ایمٹریک کی اس ریل گاڑی کے 10 ڈبے گزشتہ شب پٹڑی سے اتر گئے۔حادثے کی اطلاع ملتے ہیں امدادی کارروائیاں شروع کر دی گئیں اور امدادی کارکن ریل کی بوگیوں میں پھنسے لوگوں کو نکالنے میں مصروف دکھائی دیئے۔مقامی ہسپتال نے بتایا ہے کہ حادثے کے بعد 50 سے زیادہ زخمیوں کو ہسپتال میں داخل کرایا گیا ہے جبکہ بہت سے لوگوں کو معمولی چوٹیں بھی آئی ہیں۔اس پر 240 افراد سوار تھے اور بہت سے لوگوں کو معمولی چوٹیں آئی ہیں۔ حادثے کی وجہ فوری طور پر معلوم نہیں ہو سکی ہے۔ امریکی کانگریس کے سابق رکن پیٹرک مرفی نے ٹوئیٹ کیا ہے کہ جب ٹرین کو حادثہ پیش آیا تو وہ اسی ٹرین سے سفر کر رہے تھے۔آگ بجھانے والے عملے سیڑھیوں کا استعمال کرتے نظر آئے انھوں نے لکھا: ’’میں ایمٹریک ٹرین پر ہوں جو ابھی حادثے کا شکار ہوئی ہے، میں ٹھیک ہوں، دوسروں کی مدد کر رہا ہوں، زخمیوں کے لیے دعا کریں۔‘‘خبر رساں ادارے کے ایک ملازم پال چیئنگ نے کہا کہ وہ خوش قسمت ہیں کہ ٹرین کے پیچھے والے ڈبے میں تھے کیونکہ ’آگے والے ڈبے بہت خستہ حالت میں ہیں۔‘انھوں نے مزید کہا کہ انھوں نے ’بعض لوگوں کو کچلا ہوا دیکھا۔‘حادثے کی فوری وجہ معلوم نہیں ہو سکی ہے تاہم سکیورٹی حکام نے علاقے کو گھیرے میں لے لیا ہے پولیس نے لوگوں کو اس جگہ سے دور رہنے کی ہدایت کی ہے تاکہ امدادی ٹیم کو آسانی اور زخمیوں کا بہترطور پر علاج ہو۔ اس علاقے کو سیل کر دیا گیا ہے۔ایمٹریک امریکہ کی سرکاری ٹرین سروس ہے اور ہر سال کروڑوں افراد کو خدمات فراہم کرتی ہے۔ حادثے کی تحقیقات شروع کر دی گئی ہے۔