شیخوپورہ، فاروق آباد، فیروزوالا (نمائندہ خصوصی+نامہ نگار) لاہور روڈ کی آبادی جھاکے میں اراضی کے جھگڑے پر دو سگے بھائیوں نے فائرنگ کرکے اپنے بڑے بھائی کو قتل کر دیا ہے۔ بتایا گیا ہے کہ تین سگے بھائیوں اسلم، آصف اور ناصر کے درمیان اراضی کا تنازعہ چل رہا تھا جس پر ان کی آپس میں معمولی تلخ کلامی ہو گئی۔ آصف اور ناصر نے فائرنگ کرکے اپنے بھائی اسلم جٹ کو ہلاک کر دیا اور فرار ہو گئے۔ صدر پولیس شیخوپورہ نے واقعہ کی رپورٹ درج کر لی ہے۔