بجٹ کی آمد سے قبل ریلوے نے 19 نئے منصوبے تشکیل دے دیئے

اسلام آباد (مسعود ماجد سید؍ خبر نگار) بجٹ کی آمد سے قبل وزارت ریلوے نے اگلے مالی سال 2017-18کیلئے 19نئے منصوبے تشکیل دے دئیے، ان منصوبوں پر 5.374ارب روپے لاگت آ ے ٔ گی جبکہ جاری 38 منصوبوںکومکمل کرنے کیلئے مزید 62.150 ارب روپے کی ڈیمانڈ کی گئی ہے۔’’نواے ٔ وقت‘‘کوملنے والی معلومات کے مطابق آئیندہ مالی سال 2017-18کا وفاقی بجٹ 26 مئی کو متوقع ہے جسکے لئے وزارت ریلوے نے جاری اور نئے منصوبوں کے لئے کل 67.524 ارب روپے وزار ت خزانہ سے مانگ لئے ہیں ۔وزارت ریلوے نے اگلے مالی سال 2017-18کے لئے جن 9 نئے منصوبوں کی منصوبہ بندی کی ہے ان میں رسالپور لوکو فیکٹری میں رولنگ سٹاک کی مینٹی نینس کے لئے آلات کی خریداری ، رولنگ سٹاک اور (160KMPH)آلات سمیت ریلیف ٹرینوں کی اپ گریڈیشن ، پاکستان ریلوے کی سٹیل شاپ میں مینٹی نینس سہولیات کی اپ گریڈیشن ، انفراسٹرکچر مینٹی نینس سروسز کی ہتری، گوافر کو ملانے کیلئے اراضی کا حصول ، والٹن ٹریننگ اکیڈیمی لاہور کی بہتری،انسپیکشن اینڈ ٹیسٹنگ آلات سمیت پرانے پلوں کی تعمیر و مرمت و ان کی مضبوطی،ریل گرانڈنگ مشین کی خریداری،ریلوے میں آئی ٹی ڈائریکٹوریٹ میں بھی استعداد کار کو بڑھانا شامل ہے۔