شمالی کوریا مزید میزائل تجربات سے باز رہے : چین

  چین نے ایک بار پھر شمالی کوریا کو مزید میزائل تجربے سے باز رہنے کی تلقین کرتے ہوئے کہا ہے کہ اس سے خطے میں کشیدگی میں اضافہ ہو گا غیر ملکی خبررساں ادارے کے مطابق چینی وزارت خارجہ کی جانب سے جاری ہونے والے بیان میں کہا گیا ہے کہ چین شمالی کوریا کی جانب سے اقوام متحدہ کی سلامتی کونسل کی قرار دادوں کی خلاف ورزی کرنے کے شدید خلاف ہے بیان میں کہا گیا ہے کہ شمالی کوریا سمیت تمام فریقین کو اقوام متحدہ کی قرار دادوں کی خلاف ورزی سے گریز کرنا چاہئے جبکہ شمالی کوریا مزید میزائل تجربات سے بھی باز رہے ۔