پیپلزپارٹی لاہور کے 30 زونز کے صدور کا انتخاب مکمل کر لیا:عزیزالرحمان چن

لاہور(خبر نگار) پاکستان پیپلز پارٹی لاہور کے صدر حاجی عزیز الرحمان چن نے کہا ہے کہ پاکستان پیپلز پارٹی لاہور نے تیس زونوں کے صدور کا انتخاب مکمل کر لیا ہے اس حوالے سے منتخب عہدیداروں کو نوٹیفیکیشن تقسیم کرنے کی تقریب ضلعی دفتر باغبانپورہ میں منعقد ہو گی۔ پاکستان پیپلز پارٹی کا قلعہ بنانے کے لئے ہر جیالا متحرک ہو چکا ہے اور آئندہ عام انتخاب میں پاکستان پیپلز پارٹی لاہور سے کلین سویپ کرے گی۔ آنے والا وقت پیپلز پارٹی کا ہے عام آدمی کے مسائل کا حل صرف پیپلز پارٹی کی قیادت کے پاس ہے شریفوں اور نیازی کے پاس سوائے نعروں کے کچھ نہیں۔