لاہور: ڈاکوئوں، چوروں کی لوٹ مار، شہری لاکھوں کی نقدی، زیورات سے محروم

لاہور(نامہ نگار) شہر کے مختلف علاقوں میںڈاکوئوںاور چوروںنے وارداتوں کے دوران متعدد شہریوں سے لاکھوں روپے کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیاہے۔ڈاکوؤں نیجنوبی چھاؤنی میں سلیم اوراس کی فیملی سے8لاکھ روپے،غازی آباد میں امجد اور اس کی فیملی سے 7لاکھ روپے، باغبانپورہ کے علاقہ میں احسان اور اس کی فیملی سے6لاکھ روپے، گلشن اقبال میں اختر اوراس کی فیملی سے4لاکھ روپے، گارڈن ٹاؤن میں رمضان اور اس کی فیملی سے ساڑھے 3لاکھ روپے، ہڈیارہ میں شیرازکے گھر سے 3لاکھ روپے، ملت پارک کے علاقے ظفر کالونی میں ادریس اور اس کی فیملی سے گھر کی دہلیز پر ڈیڑھ لاکھ روپے کی نقدی، طلائی زیورات،موبائل فون اور دیگر سامان لوٹ لیاہے۔سمن آبادکے علاقہ میاںچوک میں کارسوارڈاکوئوںنے گن پوائنٹ پرشہری ادریس سے 7لاکھ روپے، پولیس وردی میں ملبوس موٹرسائیکل سواردوڈاکوئوںنے شہری سے 2لاکھ روپے، مصطفی آباد میں اشتیاق سے 1لاکھ 70ہزارروپے، سرور روڈکے علاقے میں حا مد سے 85ہزاروپے اور موبائل فون،نواب ٹاؤن میں ایمپوریم مال کے قریب ناصر سے 50ہزار روپے اور موبائل فون ،ہنجروال کے علاقہ حبیب پارک میں عمر سے 34ہزار روپے اور موبائل فون لوٹ لیا ہے۔ چوروں نے ریس کورس میںسے فرح، اقبال ٹائون سے بلال، مصطفی آباد سے مبشر کی کاریں جبکہ گجر پورہ سے ندیم، شاہدرہ میں نعیم، شادباغ میں قاسم، مصری شاہ میںسرفراز، فیکٹری ایریا میں یوسف، جنوبی چھائونی میںعمران، ڈیفنس بی میں وقاص، باغبانپورہ میں وسیم، پرانی انارکلی سے سجاد کی موٹرسائیکلیں چوری کر لی ہیں۔ علاوہ ازیں چوروں نے تھانہ نواب ٹائون کے علاقہ 317 ائرلائن سوسائٹی جوہرٹائون میں نوائے وقت کے سوشل میڈیا کوآرڈینیٹر عمار یونس کے بھائی جاوید یونس کے گھر لاکھوں روپے مالیت کے 5 تولے سونا، 4 انگوٹھیاں، 2 جھمکے اور 50 ہزار سے زیادہ نقدی اور دیگر قیمتی سامان چوری کر لیا ہے۔