لاہور (این این آئی) نا بینا افراد نے اپنے مطالبات کے حق میں مسلسل دوسرے روز بھی کلمہ چوک کے مقام پر میٹرو بس ٹریک پر دھرنا دیا جس سے بس سروس معطل رہی۔ تفصیلات کے مطابق نابینا افراد نے اپنے مطالبات منوانے کیلئے دوسرے روز بھی کلمہ چوک میٹرو ٹریک پر دھرنا دئیے رکھا۔ میٹرو بس سروس معطل ہونے سے شہریوں کو شدید مشکلات کا سامنا رہا۔ مظاہرین کا کہنا تھاکہ معاشرے کے سب سے زیادہ توجہ کے مستحق طبقے کے ساتھ حکومت کا رویہ سب کے سامنے ہے۔ حکومت بتائے ہمار ے ایسے کونسے مطالبات ہیں جو پورے نہیں کئے جا سکتے۔