عوام کی حمایت سے مسلم لیگ (ن) اگلا الیکشن بھی جیتے گی: راؤ فرقان احمد

خانیوال(خبرنگار)مسلم لیگ(ن) کے رہنمایونین کونسل پیرووال کے چیئر مین صوبائی حلقہ 209کے امیدوار رائو فرقان احمد نے کہاکہ عوام کی حما یت سے مسلم لیگ(ن) اگلا الیکشن بھی جیتے گی ۔میاںنوازشریف ،میاںشہبازشریف کے ویژن اورکارکردگی نے مسلم لیگ(ن) کو مزید مضبو ط کیاہے ۔وہ گزشتہ روز رابطہ مہم کے دوران مختلف وفود اور منعقد تقریبات میں خطاب کررہے تھے۔انہوںنے کہاکہ صوبائی حلقہ209سے عوام قافلوں کی صورت میں وزیراعلیٰ پنجاب میاںشہبازشریف کے استقبال کے لئے خانیوال پہنچیں گے ۔انہوںنے کارکنوںپر زوردیا کہ وہ روایتی جوش وخروش کیساتھ ووٹ کو عزت دو کے نعرے لگاتے ہوئے رابطہ مہم کو تیز کریں۔عوام کے تعاون سے صوبائی حلقہ209میں اپنا مثالی کردار اداکریں گے اورعلاقے کی پسماندگی ومحرومیوں کود ورکرکے نئے دورکاآغاز کریں گے ۔بعدازاں انہوںنے یونین کونسل پیر ووال کے کونسلرز سے میٹنگ کی اور کہاکہ آج 14مئی کویونین کونسل پیرووال اورگردونواح کے چکوک سے عوام اور کارکن بڑے قافلے کی صو ر ت میں جلسہ گاہ پہنچ کراپنے محبوب قائدکااستقبال کریں گے۔