لاہورسمیت وسطی پنجاب میں بارش،ژالہ باری,موسم خوشگوار

لاہورسمیت وسطی پنجاب کے مختلف شہروں میں تیز ہوائوں کیساتھ بارش سے موسم خوشگوار ہو گیا،کئی علاقوں میں ژالہ باری بھی ہوئی ۔محکمہ موسمیات نے کہا کہ لاہور سمیت وسطی پنجاب میں بارش اور کئی مقامات پر ژالہ باری ہوئی ،بارش سے موسم خوشگوار ہو گیا ،  رمضان کا دوسرا عشرہ ٹھنڈا گزرے گا،مغربی ہوائوں کاسلسلہ   بدھ سے تیز ہوائوں اور بارشوں کیساتھ بالائی اور وسطی علاقوں میں پھیل جائیگا۔بدھ سے جمعرات مکران کے ساحلی علاقے، قلات، ژوب اور ڈی جی خان میں چند مقامات پر موسلادھار بارش کا امکان ہے جبکہ بدھ سے ہفتے تک خیبرپختونخوا ، پنجاب، اسلام آباد اور بالائی سندھ میں    بار ش ہوگی ۔