شیخوپورہ/فیروزوٹواں (نمائندہ نوائے وقت+ نمائندہ خصوصی) بھکھی کے قریب مین فیصل آباد روڈ پر تیز رفتار کار نے موٹر سائیکل سوار کو کچل دیا، نوجوان زخموں کی تاب نہ لاتے ہوئے موقع پر جانبحق ہوگیا، حادثہ موٹرسائیکل سے کتا ٹکرانے کے باعث پیش آیا مقتول کی شناخت نہ ہوسکی، ریسکیو اہلکاروں نے نعش ڈی ایچ کیو ہسپتال کے ڈیڈ ہائوس میں منتقل کردی ہے، علاوہ ازیں تیز رفتار ویگن ڈالے میں سوار 4 افراد گر کر زخمی ہو گئے حادثہ جنڈیالہ روڑپر واقع بھٹی فلنگ اسٹیشن کے قریب پیش آیا
زخمی ہونیوالوں میں خواتین اور بچے شامل ہیں ، بتایا گیا ہے کہ ریسکیو 1122 شیخوپورہ کی امدادی ٹیم نے موقع پر پہنچ کر زخمیوں کو طبی امداد دینے کے بعد ڈسٹرکٹ ہیڈ کوارٹر ہسپتال منتقل کر دیازخمیوں میں نشا دختر شفیق 17 سال، رزینہ دختر شفیق 14 سال، سونیہ دختر علی احمد 14 سال، سمیر ولد شفیق 15 سال شامل ہیں،دریں اثناء زمین کے تنازے پر چچا نے بھتیجے کو گولی مار دی، جیتہ گاؤں باہڑیاں روڑ پر زمین کے تنازے پر چچا نے بتیجے کو گولی مار دی، ریسکیو 1122 شیخوپورہ نے زخمی مریض کو طبی امداد دینے کے بعدڈسٹرکٹ ہیڈ کوارٹر ہسپتال شیخوپورہ منتقل کر دیا،گولی لگنے والے نوجوان کامران ولد اشرف 22 سال کا تعلق شبشتان چوک بھکھی روڑ سے ہے۔