لاہور(نامہ نگار)شہرکے مختلف علاقوں میںڈاکوئوںاور چوروںنے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیا ہے ۔تفصیلات کے مطابق  ڈاکوؤںنے ڈیفنس کے علاقے میںعبداللہ کے گھر گھس کر اہلخانہ کو گن پوائنٹ پر یرغمال بناکر 4لاکھ 90ہزار روپے مالیت کی نقدی، طلائی زیورات،موبائل فون اور دیگر سامان ، مغلپورہ میں نثار کے گھر سے 3لاکھ80 ہزارروپے مالیت کی نقدی، طلائی زیورات،موبائل فون اور دیگر سامان ،فیصل ٹاؤن میں غفور کی فیملی سے 2لاکھ45 ہزارروپے مالیت ، کی نقدی، طلائی زیورات اورموبائل فون،لوئر مال کے علاقے میںشاہدکے گھر سے 2لاکھ35 ہزارروپے مالیت کی نقدی ،موبائل فون،طلائی زیورات اور دیگر سامان ،گوالمنڈی میں ماجد سے گن پوائنٹ پر 65 ہزارروپے نقدی اور موبائل فون،گلبرگ میںشمشیر سے 50 ہزار نقدی اور موبائل فون، ماڈل ٹاؤن کے علاقے میںافضل سے 30 ہزار نقدی اور موبائل فون ، سبزہ زار کے علاقے میں عاطف سے 13 ہزارنقدی اور موبائل فون لوٹ لیا اور فرار ہوگئے ہیں۔چوروں نے شفیق آباد کے علاقے میں ساجد کے گھر سے 4لاکھ 60ہزار روپے مالیت کی نقدی، زیورات و دیگر سامان چوری کر لیا ہے۔چوروں نے اقبال ٹاؤن، جوہر ٹاؤن، کاہنہ ،نشتر کالونی، داتا دربار اور غالب مارکیٹ کے علاقوں سے6کاریں،مصری شاہ کے علاقے سے رکشہ جبکہ اسلام پورہ،لوئر مال،فیصل ٹاؤن،شادباغ ،اکبری گیٹ ،نشتر کالونی، لاری اڈہ، باٹا پور، بادامی باغ ،مصری شاہ، لوہاری، برکی اورشمالی چھاؤنی کے علاقوں سے13موٹر سائیکلیں چوری کر لی ہیں۔