عمران خان کو نااہلی کی وجہ سے ہٹایا گیا‘ محبوب کھیتران 

ملتان(  سپیشل رپورٹر   )مسلم لیگ ن کے تحصیل صدر سردار محبوب کھیتران نے کہا کہ ملتان مسلم لیگ ن کا قلعہ ہے یہ تحریک  انصاف کو 20مئی کے جلسے سے واضح ہوجائے گا۔تحریک انصاف نے اپنے دور اقتدار میں عوام کو صرف لالی پاپ، یوٹرن اور انتقامی سیاست کے سوا کچھ نہیں دیا۔عمران خان کو  نااہلی کی وجہ سے ہٹایا گیا۔عمران خان نے اپنے دھرنوں سے شروع ہونے والی سیاست سے لے کر  حکومت تک صرف ملک میں انتشار کی سیاست کی ملک و قوم کی تعمیرو ترقی کے لیے کچھ نہیں کیا اور قتدار جانے کے بعد بھی عمران خان ملک میں ایک بار پھر سے خانہ جنگی کا میسج دے رہا ہے اور ملک اداروں کے خلاف اس کے بیانات عوام کو انتشار پھیلانے کے لیے اکسا رہے ہیں۔