لاہور(سپورٹس رپورٹر)قومی ویمنز ٹیم کی آل راؤنڈر ندا ڈار نے کہا ہے کہ ہماری فٹنس پر تنقید کرنے والے غیر ملکی ویمن کھلاڑیوں کو ملنے والی سہولیات کا بھی جائزہ لے لیا کریں۔ بسمہ معروف ایک اچھی کپتان اور کامیاب کھلاڑی ہیں،ورلڈ کپ میں 13 برس بعد میچ جیتنے پر جشن تومنانا ہی تھا۔ سری لنکن ویمن ٹیم کا پاکستان آنا خوش آئند ہے۔ہمیں دونوں طرز کے مقابلوں میں اچھی کرکٹ کی توقع ہے، ہماری کھلاڑیوں کی فٹنس بہت بہتر ہے، پاکستان ویمن ٹیم میں اوپننگ بیک اپ سمیت ہر شعبے کیلئے متبادل کھلاڑی موجود ہے۔ پی سی بی کا بسمہ ٰ معروف کو سیزن2022-23  کیلئے قومی خواتین کرکٹ ٹیم کی کپتان برقرار رکھنے کا اعلان درست ہے،سلیکشن میرا مسئلہ نہیں تاہم ٹیم میں نوجوان کھلاڑیوں کو موقع دینا احسن اقدام ہے۔