خواتین کی امدادی رقم سے 2ہزار  کٹوتی کرنے والا ریٹیلر گرفتار اکاؤنٹ سیل،مقدمہ درج 

کوٹ ادو(خبر نگار)  خواتین کی امدادی رقم سے 2ہزار روپے کٹوتی کرنے والا ریٹیلر گرفتارتفصیل کے مطابق اسسٹنٹ ڈائریکٹر بے نظیر انکم سپورٹ پروگرام عرفان خورشید ملک نے گزشتہ روز چھاپوں کے دوران دائرہ دین پناہ میں 2خواتین شمیم مائی اور گانہورمائی کی شکایت پر شاہ زین موبائل شاپ کے اونر ریٹیلر غلام مجتبی جس نے دونوں خواتین سے 2ہزار روپے کی کٹوتی کی تھی کو دھر لیا اور اس کے خلاف تھانہ دائرہ دین پناہ میں استغاثہ دیکر ملزم کو پولیس کے حوالے کر دیا جبکہ مذکورہ ریٹیلر کا اکاؤنٹ بھی سیل کردیا گیا،پولیس نے اسسٹنٹ ڈائریکٹر بی آئی ایس پی کی مدعیت میں مقدمہ درج کرلیا۔