مشیر کھیل پنجاب کا ہاکی اولمپئن زاہد شریف کیلئے ماہانہ وظیفے کا اعلان

  لاہور (سپورٹس رپورٹر ) مشیر کھیل پنجاب وہاب ریاض کی ہاکی اولمپئن زاہد شریف سے ملاقات ہوئی جس میں انہوں نے اپنی بیماری کے بارے میں بتایا تھا ۔  اولمپئن زاہد شریف دل کے عارضہ کے باعث علیل ہیں۔ زاہد شریف نے حکومت سے صحت و دیگر امور پر معاونت کی اپیل کی تھی۔ مشیر کھیل پنجاب وہاب ریاض کا کہنا تھاکہ کھیلوں سے منسلک تمام ہیروز ہمارے ملک کی شان اور پہچان ہیں۔ زاہد شریف  نے ملک کا نام عالمی سطح پر روشن کیا ہے۔ پنجاب سپورٹس انڈونمنٹ فنڈ میں ویٹرنز کیلئے خصوصی پیکج موجود ہے۔