لاہور(سپورٹس ڈیسک)جنوبی افریقہ ون ڈے ورلڈ کپ میں فاف ڈوپلیسی کو موقع دینے پر غور کرنے لگا۔وائٹ بال ٹیم کے کوچ روب والٹر نے کہا کہ سابق کپتان محدود اوورز کی کرکٹ کیلئے ذہن میں ہیں، سردست ان کی توجہ عالمی سطح پر منعقد ہونے والی ٹی 20 لیگز کھیلنا ہے لیکن انھوں نے ابھی تک انٹرنیشنل کرکٹ سے ریٹائرمنٹ کا اعلان نہیں کیا، یعنی خود بھی ملکی ٹیم میں واپسی کا راستہ کھلا رکھا ہے۔ ڈوپلیسی سے میری گفتگو ہوئی ہے، وہ ٹی 20 لیگز سے پیسہ بنا رہے ہیں، میں ہمیشہ ہی ان کیساتھ کھل کر بات کرتا ہوں، 50 اوورز کی کرکٹ میں کام کا دباؤ مختلف نوعیت کا ہوتا ہے۔