سبزہ زار، جھگڑے پر مخالف نے نوجوان کو قتل کر کے خودکشی کر لی

لاہور (نامہ نگار) سبزہ زار میں لڑائی جھگڑے پر ایک شخص نے فائرنگ کر کے مخالف کو قتل کر دیا اور پھر خود کو  گولی مار کر خودکشی کرلی ہے۔  تفصیلات کے مطابق سبزہ زار میں سید پور سٹاپ کے قریب شہزاد اور صدیق میں لڑائی جھگڑا ہوگیا۔ جس پر شہزاد نے طیش میں آکر فائرنگ کر کے اپنے مخالف صدیق کو موت کے گھاٹ اتار دیا  ملزم شہزاد نے  خود کو بھی کنپٹی پر گولی مار لی۔ پولیس نے دونوں نعشیں قبضے میں لے کر پوسٹ مارٹم کے لیے مردہ خانے منتقل کر کے قانونی کارروائی شروع کر دی ہے۔