ڈرامہ تیرے بن میں 'میرب' کا کردار یمنیٰ سے قبل کن دو اداکاراؤں کو آفر ہوا تھا؟

ایک انٹرویو میں اداکارہ نے کہا کہ مجھے یہ ڈرامہ کر کے بہت اچھا لگا، اور اب بھی مزہ آرہا ہے، میں نے اس ڈرامے میں کام کر کے نہ صرف بہت کچھ سیکھا بلکہ خود کی اداکارانہ صلاحیتوں کو بھی مزید جاننے میں مدد ملی ہے۔یمنیٰ زیدی نے انٹرویو کے دوران انکشاف کیا کہ اُن سے قبل اس ڈرامہ سیریل کی پیشکش صفِ اول کی اداکاراؤں 'عائزہ خان' اور 'نیلم منیر' کو کی گئی تھی مگر دونوں نے یہ پیشکش مسترد کر دی تھی۔یمنیٰ زیدی کا بتانا تھا کہ یہ ڈرامہ کرنے سے قبل وہ کافی تذبذب کا شکار تھیں کہ اتنی بڑی بڑی اداکاراؤں نے یہ ڈرامہ مسترد کر دیا ہے اور وہ اس میں کردار ادا کریں۔یمنیٰ زیدی نے مزید کہا کہ ڈرامہ سیریل کے ڈائریکٹر نے اُنہیں یقین دلایا کہ وہ یہ ڈرامہ بہت مختلف اور بہترین بنائیں گے، ایسا کہ جسے یاد رکھا جائےگا، اس طرح اُنہیں حوصلہ ہوا اور وہ اس ڈرامے میں کام کرکے بہت خوش ہیں۔واضح رہے کہ ڈرامے میں یمنیٰ کے مقابل اداکار  وہاج علی ہیں، ناظرین کی جانب سے دونوں کی جوڑی کو بے حد پسندکیا جارہا ہے۔