سینٹرل ایشین والی بال لیگ میں پاکستان کی مسلسل تیسری کامیابی

لاہور(سپورٹس رپورٹر) پاکستان کا سینٹرل ایشین والی بال لیگ میں کامیابیوں کا سفر جاری ہے۔گرین شرٹس نے ترکمانستان کو 3 ایک سیٹ سے شکست دیکر ایونٹ میں مسلسل تیسری کامیابی حاصل کرلی۔ پاکستان اس سے قبل افغانستان اور سری لنکا کو بھی شکست دے چکا ہے۔ پاکستان سپورٹس کمپلیکس اسلام آباد میں جاری 6 روزہ لیگ کے تیسرے روز پاکستان نے سخت مقابلے کے بعد ترکمانستان کیخلاف پچیس تئیس، اکیس پچیس، چھبیس چوبیس، ستائیس پچیس سے فتح حاصل کی۔دوسرے میچ میں کرغزستان نے ایران کو 3 ایک سیٹ سے ہرایا جبکہ تیسرے میچ میں سری لنکا نے افغانستان کو تین صفر سیٹ سے شکست دی۔