گوجرانوالہ (نمائندہ خصوصی )پی ایچ اے کی جانب سے راسخ عرفانی پارک ماڈل ٹائون میں ماڈل فوڈ پوائنٹ اور گلشن اقبال پارک میں پیڈل بوٹنگ کا افتتاح کر دیا گیا،اس حوالے سے پارک میں افتتاحی تقریب کا انعقاد کیا گیا جس میں ڈپٹی کمشنر گوجرانوالہ محمد طارق قریشی ،ڈائریکٹر آئی سی پاکستان والز مرٹ ترگت، ڈی جی پی ایچ اے / سی ای او شاہد عباس جوتہ نے خصوصی طور پر شرکت کی اور فوڈ کورٹ کا افتتاح کر دیاسٹیٹ آف دی آرٹ فوڈ پوائنٹ کے قیام سے شہریوں کوکھانے پینے کی معیاری سہولیات کی فراہمی ہوگی۔ ڈی جی پی ایچ اے/ سی ای او جی ڈبلیو ایم سی شاہد عباس جوتہ نے ڈپٹی کمشنر محمد طارق قریشی کو بریفنگ دیتے ہوئے بتایا کہ وزیر اعلی پنجاب مریم نواز شریف کے ویژن کو عملی جامہ پہناتے ہوئے گوجرانوالہ کے شہریوں کے لیے ان کے قریب دسترس پر تفریحی سہولیات کی فراہمی کے لیے پارکس اینڈ ہارٹیکلچر اتھارٹی گوجرانوالہ ، کمشنر گوجرانوالہ ڈویژن نوید حیدر شیرازی کی خصوصی ہدایات پر عملدرآمد کرتے ہوئے دستیاب وسائل میں اقدامات بروئے کار لا رہے ہیں ۔