گورنر پنجاب سے بارانی یونیورسٹی کے وائس چانسلرکی ملاقات 

راولپنڈی(سٹاف رپورٹر)پیر مہر علی شاہ بارانی زرعی یونیورسٹی راولپنڈی کے  وائس چانسلر پروفیسر ڈاکٹر محمد نعیم نے گورنر پنجاب سردار سیلم حید ر خان سے ملاقات کی اور گورنر پنجاب و یونیورسٹی چانسلر کا منصب سنبھالنے پر مبارکباد  دیتے ہوئے شیلڈ اور گلدستہ پیش کیا اور یونیورسٹی میں جاری تعلیمی و تحقیقی سرگرمیوں بارے گورنر پنجاب و یونیوسٹی چانسلرکو آگاہ کیا گورنر پنجاب سردار سیلم حید ر خان نے اس موقع پر گفتگو کرتے ہوئے کہا کہ بارانی زرعی یونیورسٹی کی زراعت، لائیوسٹاک،زرعی انجئینرنگ، پولٹری  ودیگر شعبوں میں مثالی تعلیمی و تحقیقی خدمات ہیں اور بارانی یونیورسٹی کو مزید بہتر بنانا میری اولین ترجیح ہو گی گورنر پنجاب نے مزیدکہاکہ پنجاب بارانی زرعی یونیوسٹی سمیت باقی تمام یونیورسٹیز کو درپیش مسائل  اور مشکلات کو حل کرنا اولین ترجیح ہو گی گورنر پنجاب و یونیورسٹی چانسلر نے وائس چانسلر کو یقین دہانی کرائی کہ وہ جلد ہی یونیورسٹی کا دورہ کریں گے اور یونیورسٹی سے متعلقہ معاملات پر تبادلہ خیال کریں گے اور یونیورسٹی کی کارکردگی کو مزید بہتر بنانے کے لئے یونیورسٹی کو درپیش مسائل کو بہتر انداز میں حل کرنے کے لئے ٹھوس اقدامات اٹھائیں  گے گورنر پنجاب سردار سیلم حید ر خان  سے ملاقات کے موقع پر یونیورسٹی وائس چانسلر کے ہمراہ  وفد میں یونیورسٹی کے ڈاریکٹر سپورٹس ڈاکٹر سعد عمران، ڈاریکٹر پلاننگ ڈاکٹر کامران احمد اور اٹک کیمپس کے ڈاریکٹر ڈاکٹر رفعت حیات  بھی شامل تھے۔