لاہور (خصوصی رپورٹر) مختلف اضلاع سے تعلق رکھنے والے سائلین نے ان کی شکایات کے فوری ازالے اور متعلقہ پولیس حکام کو دادرسی کے لئے ہدایات جاری کرنے پر وزیر اعلیٰ محمد شہباز شریف کا شکریہ ادا کیا۔ سائلین نے وزیر اعلیٰ کی طرف سے کیمپ آفس لگانے اور وہاں پر عام لوگوں کی شکایات کے ازالے کے لئے ایم این اے پرویز ملک کی سربراہی میں بنائی گئی کمیٹی کے کام کو سراہا۔ ایک بزرگ خاتون نے وزیر اعلیٰ محمد شہباز شریف کو دعائیں دیتے ہوئے کہا کہ ”تینوں رب دیاں رکھاں“۔ سائلین نے وزیر اعلیٰ کی دراز عمری اور صحت کے لئے بھی دعا کی اور شکایات کے فوری ازالہ کرنے پر ان کا شکریہ ادا کیا۔