لاس اینجلس‘ ڈرامہ فلم ڈارکسٹ آور کالاس اینجلس میں رنگا رنگ پریمیئر

لاس اینجلس (آئی این پی) دوسری جنگ عظیم کے دوران پیش آنیوالے واقعات پر مبنی ہالی وڈڈرامہ فلم ڈارکسٹ آورکالاس اینجلس میں رنگا رنگ پریمیئر منعقد کیا گیا۔فلمی ستارے جب تقریب میں شرکت کیلئے پہنچے تو مداحوں نے ان کا شاندار استقبال کیا اور ان کے ساتھ سیلفیاں بنائیں۔ہدایتکارجورائٹ کی یہ فلم دوسری جنگِ عظیم کے ابتدائی دِنوں میں نو منتخب برطانوی وزیرِ اعظم وِنسنٹ چرچل کو درپیش مشکلات کی عکاسی کر رہی ہے جب اڈولف ہٹلر کو جنگ سے باز رکھنے کیلئے کئے گئے مذاکرات ناکام ہو جاتے ہیں اور بعد ازاں جنگِ عظیم دوئم کا آغاز ہو جاتا ہے ۔ٹِم بیون اور لیزا بروس کی مشترکہ پروڈکشن میں بننے والی اس فلم میں ہولی وڈاداکارگیری اولڈ مین چرچل کے روپ میں جلوہ گر ہو ں گے جبکہ فلم کی دیگر کاسٹ میں بین میڈلسن ، کرسٹن اسکاٹ تھامس، للِی جیمز، اسٹیفن ڈیلانے اوررونلڈ پِک اپ سمیت کئی فنکار اہم کرداروں میں دکھائی دینگے۔ فلم رواں ماہ 22 تاریخ کو ریلیز کی جائے گی۔