امریکی ریاست کیلیفورنیا کے جنگلات میں لگنے والی آگ سے اب تک چوالیس افراد ہلاک ہوچکے ہیں جبکہ دوسواٹھائیس لاپتہ ہیں ۔
آٹھ نومبر کو لگنے والی امریکی ریاست کیلیفورنیا کی تاریخ کی بدترین آگ پر اب تک قابونہیں پایا جا سکا۔آٹھ ہزار کے قریب فائرفائٹرز آگ پر قابو پانے کی کوششوں میں مصروف ہیں۔اس سلسلے میں طیاروں کی مدد بھی حاصل کی جا رہی ہے۔آگ سے چھ ہزار چار سو ترپن مکانوں سمیت سات ہزارسے زائد عمارتیں جل کر راکھ ہوگئی ہیں۔آگ ترانوے ہزار ایکڑ اراضی پر پھیلی ہوئی ہے۔اب تک صرف تیس فیصد آگ پر قابو پایا جا سکا ہے۔تین لاکھ سے زائد افراد محفوظ مقامات پر منتقل ہو گئے ہیں۔آگ سے "پیراڈائز"کا علاقہ مکمل طور پرتباہ ہو گیا ہے۔