ٹریفک پولیس کے پٹرولنگ سکواڈ میں موٹرسائیکلسٹ لیڈی وارڈنز  شامل 

لاہور(نامہ نگار)خواتین میں احساس تحفظ پیدا کرنے کیلئے لیڈی ٹریفک سکواڈ تیار کر لیا،ٹریفک پولیس کے پٹرولنگ سکواڈ میں نئی موٹرسائیکلسٹ لیڈی وارڈنز کو شامل کر دیاگیا ہے۔سی ٹی او لاہور سید منتظر مہدی کی جانب سے سٹی ٹریفک پولیس کے پیٹرولنگ سکواڈ میں 25 لیڈی ٹریفک وارڈنز شامل کر دی گئیں۔ لیڈی ٹریفک وارڈنز سڑکوں پر خواتین کو احساس تحفظ دینے کیلئے پیٹرولنگ کرتی نظر آئیں گی۔سی ٹی او لاہور سید منتظر مہدی کا کہنا ہے کہ لیڈی ٹریفک وارڈنز مختلف تعلیمی اداروں میں بھی آگاہی مہم چلائیں گی۔ لیڈی ٹریفک وارڈنز کے سڑکوں پر پٹرولنگ سے خواتین میں بھی موٹر سائیکل چلانے کا رجحان فروغ پائے گا۔سٹی ٹریفک پولیس میں اس وقت ایک سو اکتالیس خواتین اہلکار فرائض سرانجام دے رہی ہیں۔