نوشہرہ ورکاں:ڈاکوئوں نے مویشیوں کے بیوپاری کو لوٹ کر گولیاں ماردیں

نوشہرہ ورکاں (نمائندہ نوائے وقت) مویشیوں کا بیوپاری 40 سالہ شہزاد ولد بوٹا قوم ملک سکنہ پگالہ موٹر سائیکل پر مویشی منڈی شیخوپورہ سے واپس آ رہا تھا کہ نماز مغرب کے بعد کڑیال باغانوالہ کے قریب ہنڈا 125 پر سوار دو مسلح نقاب پوش ڈاکوؤں نے اسے گن پوائنٹ پر روک لیا اور اس سے دس ہزار روپے چھین لئے مزید تلاشی کے دوران مزاحمت پر ڈاکوؤں نے اس پر فائرنگ کر دی جس سے وہ شدید زخمی ہو گیا مگر ہمت کر کے موٹر سائیکل پر قریبی گاؤں کھارا پہنچ گیا جہاں سے اسے طبی امداد کے لئے تحصیل ہیڈکوارٹر ہسپتال نوشہرہ ورکاں منتقل کر دیا گیا۔