آنیوالا دور ن لیگ کا‘ ترقیاتی کاموں کا جال بچھا دینگے‘ چوہدری افتخار نذیر 

جہانیاں‘ ٹھٹھہ صادق آباد (نمائندہ نوائے وقت‘ خبر نگار) چیئرمین اسٹینڈنگ کمیٹی دفاعی پیداوار چوہدری افتخار نذیر نے کہا ہے کہ انہیں حلقہ پی پی 209، 210 دونوں حلقوں میں بھر پور عوامی حمایت حاصل ہے اس لیے وہ آئندہ الیکشن میں پہلے سے زیادہ برتری سے کامیابی حاصل کریں گے، اپنے دور اقتدار میں ریکارڈ ترقیاتی منصوبے مکمل کرواکے عوام کا معیار زندگی بہتر بنایا ہے۔ان خیالات کا اظہار انہوں نے موضع کوٹ بھارا میں رانا غلام مرتضی و دیگر سپورٹرز کی جانب سے دیے گئے عشائیہ سے قبل شرکاء سے خطاب میں کیا،انہوں نے کہا کہ ن لیگ کی قیادت کا ان پر بھرپور اعتماد ہے اور آنے والا دور ن لیگ کا ہے علاقہ میں ترقیاتی کاموں کا جل بچھا دیں گے۔ انھوں نے کہا کہ ان کا مخالف ایک امیدوار عوام کو ملازمتوں کا لولی پاپ دے رہا ہے ۔ایم پی اے حاجی عطاء الرحمان نے کہا کہ عوام نے مہنگائی بیروزگاری غربت سے تنگ آکر پی ٹی آئی پر عدم اعتماد کا اظہار کر دیا ہے عوام کو سہانے خواب دکھا کر عوام سے نوالہ تک چھین لیا گیا،کھاد بجلی، گھی، چینی ،آٹا تک کے ریٹس کئی گنا بڑھا دیے گئے ہیں ڈالر کنٹرول سے باہر ہے ،اس موقع پر پروفیسر نعمت علی نے بھی خطاب کیا، اس موقع پر چوہدری ضیائ￿  الرحمن، غلام شبیر ساقی،افتخار وڑائچ، رانا فرمان علی، چوہدری شہزاد فیصل، چوہدری عبد اللہ سندھو، فریاد چوہدری، چوھدری ساجد علی، راؤ معین اسلام، اصغر علی رندھاوا، ملک الطاف حسین، راؤ محمد عارف، رانا عباد علی، آفتاب اقبال، راؤ محمد جمیل، راؤ شاہد جمیل، آفتاب حسین، سرور ندیر، عبد اللہ سندھو، عبدالسلام ڈھلوں سمیت دیگر شخصیات بھی موجود تھیں۔
چوہدری افتخار نذیر