وفاقی پولیس میں بھرتیوں کے سلسلہ میں سپورٹس کمپلیکس میں ریہرسل 

اسلام آباد (اپنے سٹاف رپورٹر سے)آئی جی اسلام آباد ڈاکٹر اکبر ناصر خاں کے احکامات پروفاقی پولیس میں بھرتیوں کے سلسلہ میں سپورٹس کمپلیکس میں ریہرسل کی گئی ریہرسل میں مختلف ڈویژن سے پولیس افسران و جوانوں کو ڈیوٹی پر مامور کیا گیا ہے ریہرسل میں افسران وجوانوں کو بتایا گیا کہ کس طرح بھرتی کے مراحل کے دوران وہ اپنے فرائض منصبی سرانجام دیں گے کیپیٹل پولیس نے گزشتہ ماہ کنسٹیبل کی 1668آسامیوں کا اعلان کیا تھا جس کے لئے 1لاکھ 41ہزار739 آن لائن درخواستیں موصول ہوئی ان درخواستوں پر سکروٹنی کا عمل مکمل ہونے کے بعد مطلوبہ معیار پر پورا اترنے والے امیدواروں کو رول نمبر سلپس جاری کردی گئی ہیں جن میں ان کے ٹیسٹ سنٹرز کا بتایا گیا ہے ،تمام امیدوار اپنی رول نمبر سلپس اسلام آباد کیپیٹل پولیس کی ویب سائٹ پر آن لائن حاصل کرسکتے ہیں۔