ٹاٹےپور میں ڈگری گرلز کالج نہ ہونے سے طالبات تعلیم سے محروم

 کئی حکومتیں آئیں کسی نے بھی
 گرلز ہائر سیکنڈری سکول کو ڈگری
 کالج کا درجہ نہیں دلوایا:اہل علاقہ
ٹاٹےپور (نامہ نگار)ٹاٹےپور میں ڈگری گرلز کالج نہ ہونے سے ایف اے کے بعد طالبات تعلیم سے محروم ہیں بااثر والدین تو ملتان بھی تعلیم دلوارہے ہیں مزدور اور غریب والدین تعلیم کے اخراجات نہ برداشت کرنے پر اپنی بچیوں کو تعلیم دلوانے سے قاصر ہیں کئی حکومتیں آئیں لیکن کسی نے بھی آج تک اس گرلز ہائر سیکنڈری سکول کو اپ گریڈ کرکے ڈگری کالج کا درجہ نہیں دلوایا جس سے ٹاٹےپور ودیگر نواحی مواضعات کی طالبات پریشان ہیں علاقہ کے سنجیدہ افراد نے میڈیا کے نمائندوں کو بتایا کہ ہمارے علاقہ میں تعلیم کے حوالے سے ایسی ہونہار طالبہ ہیں جو ایف اے تعلیم کے بعد ملتان جاکر تعلیم حاصل نہیں کر سکتی کیونکہ کہ ان کا تعلق غریب گھرانے سے ہے انہوں نے گرلز ہائر سیکنڈری سکول ٹاٹےپور کو اپ گریڈ کرکے ڈگری گرلز کالج بنانے کا مطالبہ کیا ۔