لداخ سے چینی فوج واپس نہیں گئی‘ بھارتی آرمی چیف نے مودی حکومت کو جھٹلا دیا

نئی دہلی (اے پی پی) لداخ میں لائن آف ایکچوئل کنٹرول پر چین کے ساتھ ابتر صورتحال میں بہتری کے بارے میں مودی حکومت کے بلند و بانگ دعوئوں کے برعکس بھارتی چیف آف آرمی سٹاف جنرل منوج پانڈے نے واضح طور پر کہا ہے کہ چینی فوج کی قوت میں کوئی کمی نہیں آئی ہے۔ کشمیر میڈیا سروس کے مطابق جنرل منوج پانڈے نے یہ بات چانکیہ فورم کی طرف سے نئی دہلی میں منعقدہ ایک تقریب کے دوران کہی۔ انہوں نے کہا گو چینی فوج کچھ غیر اہم مقامات سے پیچھے چلی گئی ہے تاہم اہم مقامات پر وہ تاحال موجود ہے۔