لاہور (نیوزرپورٹر)چیف ایگزیکٹو لیسکو چودھری محمد امین کی ہدایت پر ایس ای سیکنڈ سرکل چودھری محمد رشید کی زیرنگرانی ایکسئین علامہ اقبال ٹائون فیضان ریاض بٹ کابجلی چوروں کیخلاف گرینڈ آپریشن جاری ہے ۔ بجلی چوری کے خلاف جاری آپرشن میں گزشتہ ایک ماہ کے دوران علامہ اقبال ٹائون میں60 سے زائد ایف آئی آر درج کروائی جاچکی ہیں ،جبکہ رواں سیزن بجلی چوروں کیخلاف اقبال ٹائون ڈویژن میںچار سو کے قریب مقدمات درج ہوچکے ہیں ۔اس سلسلے میں بتایا گیا ہے کہ ایکسئین اقبال ٹائون فیضان ریاض بٹ روزانہ کی بنیاد پر بجلی چوری کے خلاف مہم کو جاری رکھے ہوئے ہیں اورانہوں نے تمام متعلقہ سب ڈویژینز میں مانیٹرنگ کا عمل تیز کیا ہوا ہے ۔لیسکو کی جانب سے بجلی چوری کیخلاف موثر اور منظم مہم کے باعث چوری میں کمی واقع ہورہی ہے ۔اسی سلسلے میں لیسکو کے چیف ایگزیکٹو چودھری محمد امین نے سیکنڈ سرکل میں بہترین کارکردگی کے باعث فیضان ریاض بٹ کو بہترین ایکسئین کا ایوارڈ بھی دیا ہے ۔