لاہور(سپورٹس رپورٹر)سوشل میڈیا صارفین ٹی ٹونٹی ورلڈ کپ کے فائنل میں امپائر دھرما سینا پر برس پڑے اور کہاہے کہ دھرما سینا ایک اور ورلڈکپ فائنل کو بدبودار بنا رہے ہیں۔انگلینڈ کی اننگز کے تیسرے اوور میں شاہین شاہ آفریدی کی لو فل ٹاس گیند سیدھی انگلش بیٹر فل سالٹ کے پیڈ پر لگی، پاکستانی ٹیم کی جانب سے زوردار اپیل کی گئی تاہم امپائر نے ناٹ آو¿ٹ قرار دیا جس پر پاکستانی کپتان بابر اعظم نے ریوویو لے لیا۔تھرڈ امپائر نے امپائرز کال قرار دیتے ہوئے پاکستان کا ریویو ضائع کر دیا جس پر صارفین کی جانب سے فوری طور پر سوشل میڈیا پر سوالات کی بوچھاڑ کرتے ہوئے امپائرنگ پر سوالات اٹھا دئیے۔ پاکستان میں مشہور سوشل میڈیا سٹار ڈینس فریڈمین نے سوشل میڈیا پر لکھا کہ امپائر دھرما سینا ایک اور ورلڈکپ کو بدبودار بنا رہے ہیں۔آئی سی سی نے جو سب سے بری چیز ایجاد کی ہے وہ ہے امپائرز کال کیونکہ امپائر یا تو ٹھیک ہوتا ہے یا پھر غلط۔ اور ایک بار پھر دھرما سینا بدترین امپائر۔