انجری سیریس نہیں، شاہین شاہ آفریدی کو دو ہفتے کیلئے ’ری ہیب‘ کی ہدایت

قومی کرکٹ ٹیم فاسٹ بالر شاہین شاہ آفریدی کو دو ہفتے کے لیے ’ری ہیب‘ کی ہدایت کر دی گئی۔پاکستان کرکٹ بورڈ کی جانب سے جاری بیان کے مطابق فاسٹ بالرشاہین شاہ آفریدی کو سنجیدہ نوعیت کی انجری نہیں ہوئی، انہیں فیلڈنگ کےدوران گھٹنا مڑنے کی وجہ سے تکلیف ہوئی تھی۔بیان کے مطابق ڈاکٹرز نے یقین دہانی کرائی کہ چوٹ نہیں آئی، شاہین آفریدی نیشنل ہائی پرفارمنس سینٹر میں ری ہیب میں حصہ لیں گے۔مزید بتایا کہ شاہین شاہ آفریدی کی انٹرنیشنل کرکٹ میں واپسی ڈاکٹرز کی اجازت سے مشروط ہو گی۔