دوران ڈیوٹی جام شہادت نوش کرنے والوں قوم کے ہیرو ہیں:محمد احسن یونس

لاہور(نامہ نگار)پنجاب سیف سٹیز اتھارٹی میں سب انسپکٹر رضوان محبوب شہید کو خراجِ عقیدت پیش کرنے کی تقریب کا اہتمام کیا گیا۔سب انسپکٹر رضوان محبوب ڈی جی خان میں ڈاکوو¿ں سے مقابلے کے دوران شہید اور تین پولیس اہلکار زخمی ہوئے تھے۔ مینجنگ ڈائریکٹر محمد احسن یونس نے سٹاف کے ہمراہ سب انسپکٹر رضوان محبوب شہید اور زخمیوں کو خراجِ عقیدت پیش کیا۔ ایم ڈی سیف سٹیز محمد احسن یونس کا کہنا تھا کہ ڈیوٹی کے دوران جام شہادت نوش کرنے والے افسران و اہلکار قوم کے ہیرو ہیں۔ جرائم پیشہ عناصر ایسی کارروائیوں سے فورس کے حوصلے پست نہیں کرسکتے۔تقریب میں آپریشن کمانڈر آئی سی تھری اور تمام یونٹس کے سربراہان نے شرکت کی۔ اس موقع پر شہید کے درجات کی بلندی اور زخمیوں کی جلد صحت یابی کیلئے دعا کی گئی۔