چور بے لگام، دن دیہاڑے شہری کی کار چوری

لاہور( نامہ نگار)شہر میں گاڑی چوری کی وارداتیں عروج پرپہنچ گئیں۔ دن دیہاڑے شہری ندیم بیگ کی گاڑی نمبرLEE-3788 ٹیوٹا کرولا XLI چوری ہوگئی۔ شہری نے بتایا کہ انہوں نے گاڑی پارکنگ میں کھڑی کی تھی ،کچھ دیر بعد واپس آئے تو گاڑی چوری ہو چکی تھی۔گاڑی چوری کے متعلق پولیس کو بھی درخواست دےدی ہے لیکن تاحال پولیس نے اس حوالے سے کوئی پیش رفت نہیںکی۔ندیم بیگ نے وزیراعلیٰ پنجاب محسن نقوی اور آئی جی پنجاب سے اپیل کی ہے کہ گاڑی کی جلد بازیابی یقینی بنانے کیلئے ہدایات دی جائیں۔ پولیس سیف سٹی اور سی سی ٹی وی کیمروں کی مدد سے ملزموں کی شناخت کرے۔