لاہور(نامہ نگار)انسپکٹر جنرل پولیس پنجاب ڈاکٹر عثمان انور نے کہا ہے کہ ایلیٹ فورس پنجاب پولیس کی جدید تربیت یافتہ اور سپیشلائزڈ آپریشنل فور س ہے جس کے جانباز سپاہیوں کی ٹریننگ کے معیارکو ماڈرن سکلز اور جدید ٹیکنالوجی کے مطابق بہتر سے بہتربنایا جائے تاکہ کچہ اوردریائی علاقوں میں دہشت گردوں، شر پسندوں اور جرائم پیشہ افراد کے قلع قمع کا عمل مزید تیز ہوسکے۔دشوار گزار،پر خطر پہاڑی علاقوں میں مجرموں کی سرکوبی کیلئے ایلیٹ اہلکاروں کو جدید ترین اسلحہ و ٹیکنالوجی کی فراہمی میں کوئی کمی نہ آئے پائے۔جبکہ ڈاکٹر عثمان انور نے دوران ڈیوٹی بہترین کارکردگی پر لاہور اور گوجرانوالہ ریجن کے افسران واہلکاروں کو کیش انعامات اور تعریفی اسناد سے نوازا ہے۔ آئی جی پنجاب نے انعامات حاصل کرنے والوں افسران و اہلکاروں کو ہدایت کی کہ ظالموں، ڈکیتوں، بدمعاشوں، منشیات فروشوں اور دیگر مجرمان کے قلع قمع کے خلاف کاروائیوں میں تیزی لائیں۔