لاہور(کامرس رپورٹر) گوشہ احباب کوآپریٹو ہاﺅسنگ سوسائٹی میں صدر مسلم لیگ ن لاہور سیف الملوک کھوکھر کی آمد، صدر سوسائٹیءملک تصدق حسین، جنرل سیکرٹری میاں محمد اکبر ، سابقہ کونسلر نائب صدر سوسائٹی رانا محمد یعقوب، ملک کاشف کھوکھر، انوار الحق، رضوان لاشاری، میاں اشفاق،رانا محمد احمد سمیت کثیر تعداد میں ممبران سوسائٹی اور مسلم لیگ ن کے ووٹروں کی شرکت ۔ اس موقع پر ملک سیف الملوک کھوکھر نے کہا کہ اہلیان گوشہ احباب کی محرومیوں کا ازالہ کرینگے، میاں محمد نواز شریف نے پہلے بھی پاکستان کو ایشیاءکا ٹائیگر بنانے کی کوشش کی تھی لیکن راستے میں ملک کو ہائی جیک کر لیا گیا تھا اب مسلم لیگ ن نواز شریف کی زیر قیادت دوبارہ اقتدار میں آ کر پاکستان کو ایشین ٹائیگر بنائیں گے، اس موقع پر ملک تصدق حسین صدر سوسائٹی نے کہا کہ گوشہ احباب شروع سے مسلم لیگ ن کا گڑھ تھا اور انشاءاللہ بڑی لیڈ سے مسلم لیگ ن کو جتوائیں گے، جنرل سیکرٹری میاں محمد اکبر نے کہا کہ ملک سیف الملوک کھوکھر میاں محمد نواز شریف کا پیغام گلی گلی پہنچانے پر خراج تحسین پیش کرتے ہیں، ملک سیف الملوک کی قیادت پر مکمل اعتماد کا اظہار کرتے ہوئے معززین علاقہ نے مسلم لیگ ن، نواز شریف، ملک سیف الملوک کھوکھر ، ملک تصدق حسین ، میاں محمد اکبر زندہ باد کے نعرے لگائے، ملک تصدق حسین نے آنیوالے معزز مہمانوں کا شکریہ ادا کیا۔