بادامی باغ میں پولیس مقابلہ‘ ایک ڈاکو ہلاک‘2فرار

لاہور(نامہ نگار)بادامی باغ میں مبینہ پولیس مقابلے میں ایک ڈاکو ہلاک ہو گیا جبکہ دو ڈاکو فرار ہو نے میں کامیاب ہو گئے۔ تفصیلات کے مطابق بادامی باغ میں موٹرسائیکل سوار تین ڈاکو ایک شہری سے واردات کرکے فرار ہو رہے تھے۔ اس دوران 15کی اطلاع پر مقامی پولیس موقع پر پہنچ گئی۔ ڈاکوو¿ں نے پولیس کو دیکھتے ہی فائرنگ کر دی۔ پولیس کی جوابی فائرنگ کے نتیجے میں ایک ڈاکو موقع پر مارا گیا جبکہ اس کے دو ساتھی فرار ہونے میں کامیاب ہو گئے۔پولیس نے مرنے والے ڈاکو کی نعش پوسٹ مارٹم کے لیے مردہ خانے منتقل کر کے فرار ہونے والے ڈاکوو¿ں کی تلاش شروع کر دی ہے۔پولیس کا کہنا ہے کہ ہلاک ڈاکو کی شناخت عمیر عرف عمیری بٹ کے نام سے ہوئی ہے،جو ڈکیتی کی درجنوں واردتوں میں ریکارڈ یافتہ تھا۔