پسرور، دیرینہ دشمنی پر 2 افراد کو موت کے گھاٹ اتار دیا گیا 

سیالکوٹ (نمائندہ نوائے وقت) پرانی دشمنی پر مخالفین کی فائرنگ سے 2 افراد جاں بحق ہو گئے۔ تفصیلات کے مطابق پسرور کے محلہ کھوکھراں میں مخالفین نے فائرنگ کر کے 40 سالہ نعیم، 26سالہ مزمل، 38 سالہ شہزاد ساکنان کلاسوالہ کو شدید زخمی کر دیا۔ نعیم اور مزمل جاں بحق ہو گئے۔ 38 سالہ شہزاد کو زخمی حالت میں ہسپتال منتقل کر دیا گیا۔ پولیس نے نعشیں قبضہ میں لیکر ضروری کارروائی کےلئے ہسپتال منتقل کر دیں۔