قصور (نمائندہ نوائے وقت)نجی فیکٹری ورکر بس کو حادثہ،ایک شخص جاں بحق جبکہ متعدد زخمی ہو گئے، ریسکیو عملے نے زخمیوں کو طبی امداد کے بعد ہسپتال منتقل کر دیا۔ پھولنگر کے علاقے کچی کوٹھی اڈا کے قریب مین ملتان روڈ پر نجی فیکٹری کی ورکر بس حادثے کا شکار ہو گئی، حادثے کے نتیجے میں رحیم یار خاں سے تعلق رکھنے والا ایک ورکر موقع پر ہی جاں بحق ہوگیا جبکہ متعدد زخمی ہوگئے ہیں۔ زخمیوں کو طبی امداد کے بعد ہسپتال منتقل کر دیا گیا۔