پی ٹی آئی پی پی 139 کے الیکشن میں کامیابی حاصل کریگی: ماجد منظورکاہلوں

شیخوپورہ (نامہ نگار خصوصی) تحریک انصاف ویلفیئر ونگ کے ضلعی صدر ماجد منظور کاہلوں نے کہا ہے کہ پی ٹی آئی پی پی 139 کے ضمنی الیکشن میں بھرپور کامیابی حاصل کریگی اگر دھاندلی کی کوشش کی گئی تو پی ٹی آئی کے کارکن پولنگ سٹیشن کے باہر دھرنا دیں گے فارم 47 والی حکومت عوام کو کوئی ریلیف نہیں دے سکی مہنگائی کی کمی کا صرف اعلان کیا جاتا ہے جبکہ حقیقت میں مہنگائی میں اضافہ ہو رہا ہے ن لیگ کے رہنما عوام کو سموگ میں چھوڑ کر سویٹرز لینڈ میں سیر و تفریح کر رہے ہیں ان خیالات کا اظہار انہوں نے جوئیانوالہ موڑ میں پارٹی عہدیداروں اور کارکنوں سے خطاب کرتے ہوئے کیا ۔