لاہور(سپورٹس رپورٹر)متحدہ عرب امارات میںجاری سہ ملکی انڈر19کرکٹ سیریز کے افتتاحی میچ میں پاکستان نے میزبان امارات کو 10وکٹوں سے شکست دیدی ۔پاکستان جونیئر ٹیم نے ٹاس جیت کر فیلڈنگ کا فیصلہ کیا ۔میزبان امارات کی ٹیم 49.3اوورز میں 191رنز پر آئوٹ ہوگئی ۔ ادیش سوری 40‘مدھیو منوج34اور یایین کرن رائے 33رنز بناکر نمایاں رہے ۔ پانچ کھلاڑی رن آئوٹ ہوئے ۔ عبد السبحا ن نے دو وکٹیں حاصل کیں ۔پاکستان ٹیم نے ہدف بغیر کسی نقصان کے 42.3اوورز میں پورا کرلیا ۔ عثمان خان 77اور شاہزیب خان 103رنز پر ناقابل شکست رہے ۔