فیروزوالہ( نامہ نگار )ڈکیتی اورراہزنی کی 12 وارداتیں‘ ڈاکووں نے مزاحمت پر گولی مار کر ایک شخص کو زخمی کر دیا۔ رانا ٹاؤن کے قریب ڈاکو موٹرسائیکل سوار اکرم سے دو موبائل نقدی اور موٹر سائیکل چھین کر لے گئے۔ واردات کے دوران ڈاکوؤں نے مزاحمت پرگولی مار کرنوجوان اعظم کو زخمی کر دیااور ڈاکو فرار ہو گئے۔ ڈاکو بلال سے موٹرسائیکل نقدی1لاکھ70ہزارروپے چھین کرفرار،ڈاکو زبیرسے 70ہزارروپے نقدی چھین کرفرار‘گائوں عمونکے میں چار ڈاکوئوں نے زمیندار کی حویلی میں داخل ہو کر ملازم کو قابو کرلیا اور اسے باندھ کر حویلی سے بچھڑے سمیت بھینس اور ایک گائے کا بچھڑا لے کر فرار ہوگئے۔ ملزمان ڈالہ اپنے ساتھ لیکر آئے تھے جس میں جانوروں کو ڈال کر فرار ہوئے۔ قلعہ ستار شاہ کے قریب ڈاکو موٹر سائیکل سواربہن بھائی سے نقدی اور موبائل چھین کرفرار ہو گئے۔