لاہور(نامہ نگار) لاہور پولیس آپریشنز ونگ کی منشیات فروشوں اور جرائم پیشہ عناصر کے خلاف کارروائیاں جاری ہیں۔نواں کوٹ پولیس نے سٹی اڈا سے منشیات فروش لقمان کو گرفتارکر لیا۔ ملزم سے1 کلو 400 گرام چرس برآمدکی گئی۔ مصطفی آبادپولیس نے سپلائی دیتے ہوئے 3 شراب فروش گرفتار کر کے80 لٹر دیسی زہریلی شراب برآمد کرلی۔ گرفتار ملزمان میں زین، نعمان اورسعودشامل ہیں۔ لٹن روڈ پولیس نے نجی ہوٹل سے غیر اخلاقی حرکات میں ملوث ارشد اورنور بخش کو گرفتارکر لیا ہے۔نیو انارکلی پولیس نے دو رکنی متحرک موٹر سائیکل چور گینگ گرفتار کرکے 6 موٹر سائیکلیں،غیر قانونی اسلحہ، نقدی اور موبائل فون برآمدکئے گئے۔گرفتار ملزمان میں غلام محمد اور راشد شامل ہیں۔ مصطفیٰ ٹاؤن پولیس نے 2 رکنی موٹر سائیکل چور و جھپٹا گینگ گرفتار کر لیا۔گرفتار ملزمان میں محمد طارق اور محمد ندیم شامل ہیں۔ملزمان سے 6 چوری شدہ موٹر سائیکلیں، چنگ چی رکشہ، ناجائز اسلحہ اور ہزاروں روپے نقدی برآمدکی گئی۔ڈولفن سکواڈنے فیصل ٹاؤن سے ڈکیت گینگ کا سرغنہ داؤدگرفتارکر لیا۔ڈولفن جوانوں نے دورانِ پٹرولنگ مشکوک موٹر سائیکل سواروں کو رکنے کا اشارہ کیاجس پر ملزمان نہ رکے۔ڈولفن جوانوں نے تعاقب کر کے ملزم کو گرفتار کر لیا۔ گرفتار ملزم داؤد ریکارڈ یافتہ اورمتعدد وارداتوں میں ملوث نکلا۔ملزم سے چھینی گئی موٹر سائیکل اور اسلحہ قبضہ میں لے لیا گیاہے۔