لاہور ( خصوصی نامہ نگار ) ایچ بلاک الفلاح پارک سبزہ زار میں شیخ الحدیث حضرت مولانا محب النبی صاحب کی ہدایت پر ایک عظیم الشان روحانی اجتماع منعقد ہوا، جس میں نمازِ استسقاء ادا کی گئی۔ اجتماع کی امامت استاذ العلماء حضرت مولانا عبدالرحیم نے کی، جبکہ تلاوت کی سعادت قاری محمد عثمان نے حاصل کی۔ اجتماع میں مقامی علماء کرام، تاجروں، ملازمین، طلباء ، اور اہلِ علاقہ نے بڑی تعداد میں شرکت کی۔ مولانا قاری محمد انتظار احمد نے نمازِ استسقاء کی شرعی حیثیت اور اجتماعی توبہ و استغفار کی اہمیت پر روشنی ڈالی۔