لاہور(سپورٹس رپورٹر)انٹرنیشنل کرکٹ کونسل نے چیمپئنز ٹرافی کی نئی ’ویژول آئیڈینٹیٹی‘ ریلیز کر دی۔ریلیز کی گئی ویڈیو میں چیمپئنز ٹرافی 2025 پاکستان کا لوگو بھی دکھایا گیا ہے۔ آئی سی سی نے چیمپئنز ٹرافی برانڈ کا نیا ٹائپو گرافک لوگو بھی جاری کیا ہے۔چیمپئنز ٹرافی 2025 کے ذکر میں پاکستان کا مشہور ٹرک آرٹ بھی دکھایا گیا ہے اور اس ویژول آئیڈنٹیٹی میں ایونٹ کے لوگو سمیت دیگر تصویری عناصر کی نمائندگی کی گئی ہے۔ویڈیوز میں پاکستان کے سابق کپتان بابر اعظم کو بھی دکھایا گیا ہے۔آئی سی سی مینز چیمپئنز ٹرافی2017 کے بعد پہلی بار ہو رہی ہے جو کہ اگلے سال پاکستان میں کھیلی جانی ہے۔