اپراورکزئی: دو شدت پسند گروپوں میں تصادم، 6 جاں بحق، 4 زخمی

پشاور (نوائے وقت نیوز) اپراورکزئی میں شدت پسندوں کے دو گروپوں میں تصادم میں 6 شدت پسند جاں بحق اور 4 زخمی ہوگئے۔ ذرائع کے مطابق واقعہ اپر اورکزئی کے علاقہ ماموزئی میں پیش آیا جہاں شدت پسندوں کے دو گروپوں نے ایک دوسرے پر بھاری ہتھیاروں سے حملہ کیا۔ تصادم کے نتیجے میں 6 شدت پسند موقع پر جاں بحق اور 4 شدید زخمی ہوگئے۔ ذرائع کے مطابق دونوں شدت پسند گروپوں میں وقفے وقفے سے لڑائی جاری ہے۔