لاہور (صباح نیوز) واجبات کی عدم ادائیگی پر پی ایس او نے پی آئی اے کو فیول کی فراہمی بند کرنے کی دھمکی دیدی ہے۔ عدم ادائیگی کے باعث پی آئی اے کو نوٹسز بھی جاری ہو چکے ہیں۔ میڈیا رپورٹ کے مطابق قومی ایئرلائن نے سول ایوی ایشن کے مجموعی طورپر 40 ارب روپے کے واجبات ادا کرنے ہیں۔پی ایس او کی جانب سے جاری نوٹس میں کہا گیا ہے کہ پی آئی اے فیول کی مد میں دو کروڑ روپے ادا کئے جائیں بصورت دیگر فیول کی فراہمی بند کر دی جائے گی۔