راولپنڈی (نوائے وقت رپورٹ) برطانوی فوج کے چیف آف جنرل سٹاف جنرل نکولس پیٹرک 2 روزہ دورے پر پاکستان پہنچ گئے۔ برطانوی چیف آف جنرل سٹاف نے گزشتہ روز آرمی چیف جنرل قمر جاویدباجوہ سے ملاقات کی۔ خطے کی سکیورٹی صورتحال، دفاعی تعاون پر تبادلہ خیال کیا گیا۔ برطانوی آرمی چیف نے دہشتگردی کیخلاف جنگ میں پاکستان کی کوششوں کو سراہا۔ جنرل قمر جاوید باجوہ اور برطانوی چیف آف جنرل سٹاف نے یادگار شہداءپر حاضری دی۔ ملاقات میں سکیورٹی اور دفاع کے شعبوں میں تعاون بڑھانے پر اتفاق کیا گیا۔ علاوہ ازیں آرمی چیف جنرل قمر جاوید باجوہ سے سعودی سفیر نواف سعید المالکی نے بھی ملاقات کی جس میں دو طرفہ تعلقات، دفاعی امور اور تربیتی شعبوں میں تعاون پر تبادلہ خیال کیا گیا۔
آرمی چیف
آرمی چیف